Edhe tre muaj me ushtrues detyre

Institucionet e Republikës së Kosovës do të vazhdojnë të
funksionojnë me ushtrues të detyrës së sekretarëve të përhershëm, të
paktën edhe për tre muajt e ardhshëm, ndërsa fundi i shtatorit pritet
t’i japë fund zgjedhjes së sekretarëve të rinj.Sipas
zyrtarëve qeveritarë, kryeshefat ekzekutivë do të emërohen vetëm pas
përfundimit të përzgjedhjes së sekretarëve të përhershëm- shkruan Zëri.
Ushtruesi i detyrës së sekretarit të përhershëm në Ministrinë e
Administratës Publike, Fitim Sadiku, thotë se po të mos ishin pushimet,
do të zgjidheshin të gjithë sekretarët shumë kohë para shtatorit. Ai
pohon se janë zgjedhur rreth dhjetë sekretarë të ministrive, ndërsa për
ministritë tjera është duke vazhduar procedura.
Qeveria e Kosovës duket se nuk do ta kenë aq të lehtë ta përmbyllin
procesin e zgjedhjeve të sekretarëve të dikastereve të ndryshme, për
faktin se Ligji për Shërbim Civil nuk e ka paraparë se çfarë do të
ndodhë me sekretarët të cilëve iu është vazhduar kontrata dhe si të
tillë as nuk mund të cilësohen si sekretarë të rregullt dhe as si
ushtrues detyre. Sadiku thotë se janë katër dikastere të tilla me të
cilat askush nuk e di se si do të veprohet meqenëse ligji nuk e
përcakton “fatin” e tyre. /Telegrafi/