Halimi nuk beson në ndryshimin e kufijve

Lideri i Partisë për Veprim demokratik, Riza Halimi, njëherësh
dhe deputet popullor në parlamentin serb, ka hedhur poshtë çdo tendencë
apo deklaratë për poena politikë të disa liderëve politikë, serbë e
shqiptarë, lidhur me ndryshimin e kufijve ndërmjet Kosovës dhe Serbisë,
ngase sipas tij deklaratat e tilla janë vetëm marketing politik i
momentit kohor dhe joserioze.Nuk besoj në ndryshimin e
kufijve, shprehu bindjen e tij Halimi, pasi që sipas tij tashmë është
shumë vonë për këtë opsion të ndarjes së kufijve, raporton Koha.
“Nuk është reale tani të flitet për çfarëdo ndryshimesh, pasi që nëse
fillohet me ndryshimin e kufijve, atëherë kjo do të vazhdojë edhe më
tutje, do të kishte një efekt domino, dhe do të përfshinte më shumë se
sa mund të mendohet”, thekson Halimi, duke shtuar se “po qe se fillohet
me një logjikë të tillë, atëherë vështirë se do të mund të ndalet ky
proces, dhe se to të përsëriteshin gabimet që i kemi provuar viteve të
`90-ta”.
“Duke pasur parasysh luftërat e zhvilluara pas shpërbërjes së
ish-Jugosllavisë, kufijtë janë ashtu si janë, pastaj edhe pas luftës së
fundit në Kosovë deri më 1999, mendimi për ndryshime të kufijve mendoj
se nuk ka baza reale”, ka deklaruar Halimi. /Telegrafi/