Ali Sadriajt iu dorëzua vendimi për suspendim

Prishtinë, 25 qershor – Edhe zyrtarisht është suspenduar Ali Sadria nga posti i drejtorit ekzekutiv të QKUK-së, bëjnë të ditur mediat në Prishtinë. Rreth mesditës nga u. d. i sekretarit i përhershëm, Haxhi Kamberi, atij i është dërguar vendimi për suspendim.

Ai është suspenduar me pagesë. Në vendimin për suspendim thuhet se pas kërkesës së ministrit Bujar Bukoshi dhe duke u thirrur në rregulloret dhe statutin e QKUK-së Sadriu është shkarkuar. Në arsyetimin për shkarkimin e tij, ndër tjera theksohet “Për mosrespektim të hierarkisë institucionale “.

Në një konferencë për media, tashmë drejtori i suspenduar, ka thënë se shkarkimin i tij është kryekëput politik. Ai ka akuzuar ministrin Bukoshi si dhe sekretarin e përhershëm për ndërhyrje në punën e QKUK-së, duke e quajtur suspendimin e tij me prapavijë politike.

Në orët e paraditës ai, në cilësinë e drejtorit, kishte inauguruar qendrën e dializës në Kodër të Trimave, në kryeqytet.