Thaçi: Vendimi për rritje të sigurisë është në fuqi

Kryeministri i Kosovës Hashim Thaçi tha të enjten në mbledhjen e qeverisë se askush nuk duhet të befasohet nëse mekanizmat e sigurisë janë në lëvizje në cilëndo pjesë të vendit, pasi sipas tij, vendimi për rritje të sigurisë është në fuqi.

Thaçi ka thënë se organet e sigurisë e vendosin vet se kur mund të marrin veprime në çdo cep të vendit, pasi që edhe është në mandatin e tyre.

Kryeministri i vendit gjithashtu premtoi se me drejtësinë dhe ligjin do të përballen të gjithë ata që kanë shkaktuar dëme në muajin e kaluar në veri dhe ata që kanë marrë pjesë në vrasjen e policit të njësisë speciale Enver Zymberi.

Thaçi, transmeton “RTK”, po ashtu ka thënë se e ka mbështetjen e të gjithë faktorëve ndërkombëtarë për ballafaqime me të gjitha strukturat paralele kriminale që ndodhën në pjesën veriore të vendit, transmeton “RTK”. /Telegrafi/