Topalli për një shoqëri të çliruar nga kthetrat e drogës

Në Ditën botërore kundër drogës, kryetarja e Kuvendit të Shqipërisë, Jozefina Topalli iu drejtua të gjithë të rinjve me mesazhin: “larg drogës”, duke ftuar të gjithë prindër, mësues, mjekë, të afërm për një shoqëri të çliruar nga kthetrat e drogës.
Në vizitën e saj në Komunitetin Emanuel, një qendër sociale riaftësuese në Tiranë, kryetarja e Kuvendit u takua me stafin e përkushtuar të qendrës dhe bisedoi me të rinjtë, që kanë pasur një varësi nga droga, dhe përmes sportit, punës, pikturës, artit, arrijnë të largohen nga përdorimi i drogës e t’i rikthehen jetës.

Topalli gjatë kësaj vizite, lansoi nismën për ngritjen e një qendre shtetërore për riaftësimin e të rinjve, përdorues të drogës. /Telegrafi/