Jeta ndriçon

Të gjithë organizmat e gjallë ndriçojnë, disa më pak e disa më tepër. Edhe ushqimet e ngrira ndriçojnë ndonëse më pak sesa ushqimet e freskëta.
Ky quhet ndriçim biofotonik.
Disa dijetarë mendojnë se kjo është drita e jetës dhe se është një mjet komunikimi përbrenda qelizave si dhe një tregues i shkallës së rregullit biollogjik.


Sa më e madhe të jetë shkalla e rregullit në një organizëm aq më e vogël është përmbajtja mesatare e të dhënave (entropia), pra aq më i vogël është edhe rrezatimi biofotonik.
Por nuk dihet akoma se nga e ka burimin ky rrezatim. Ka shumë arsye të besohet se mund të jetë diku në DNA-në e bërthamës së qelizave. Kështu qelizat e kuqe të gjakut që nuk kanë DNA nuk rrezatojnë biofotone.
Por pjesa më e madhe e dijetarëve që merren me shkencat e natyrës janë të mendimit se ky ndriçim është vetëm pasojë (mbeturinë) e metabolizmave që ndodhin në organizëm.
Përveç ndriçimit biofotonik ka edhe ndriçim që krijohet nga rrezatimi i ngrohtë apo edhe bioluminishencë të cilat nuk duhet të ngatërrohen me njëra-tjetrën.
Me anë të analizës biofotonike midis të tjerash mund të gjurmohen ndryshimet gjenetike si dhe mund të shikohet cilësia e ushqimeve të cilat nuk mund të bëhen me lloje të tjera metodash analitike.