Përparim i kufizuar në Kosovë, vlerëson BE-ja

Bruksel, 4 nëntor - Përparim të kufizuar ka gjetur Komisioni Evropian në Kosovë në shumë fusha në ndërkohë që ka mbetur shqetësim i madh për dukuritë që mbeten problematike, si krimi i organizuar, shpëlarja e parave, korrupsioni, politizimi i gjyqësorit dhe mungesa e lirisë së mediave. Të gjitha këto janë përfshirë edhe në raportin vjetor të këtij vitit që të martën, më 9 nëntor në Bruksel do ta miratojë Komisioni Evropian.

Koha Ditore ka arritur të sigurojë draftin e këtij raporti (do të botohet në numrin e nesërm të gazetës), i cili, sipas burimeve në BE, nuk pritet të pësojë ndryshime deri në ditën e publikimit.

Kosova kritikohet edhe për progres të pamjaftueshëm në luftë kundër trafikimit të
Drogës. Megjithë disa rezultate pozitive në nisjen e hetimeve, numri i rasteve të konfiskimeve dhe dënimeve ka mbetur shumë i vogël, konstaton raporti.