Presidenti kinez përzgjidhet njeriu më i fuqishëm në botë

Hu Jintao

Revista e njohur e çështjeve financiare, Forbes, ka publikuar listën vjetore të personave më të fuqishëm në botë, të cilët vijnë kryesisht nga politika e ekonomia.
I pari në renditje gjendet presidenti i Kinës, Hu Jintao, i ndjekur nga presidenti amerikan Barack Obama, e në vendin e tretë gjendet mbreti Abdullah i Arabisë Saudite.

Dy gra janë në mesin e dhjetë njerëzve më të fuqishëm të botës dhe ato janë kancelarja gjermane Angela Merkel dhe Sonia Gandi, kryetare e Kongresit Kombëtar të Indisë.

Lista e dhjetë personave më të fuqishëm të botës, sipas Forbesit, është si vijon: Hu Xhintao, president i Kinës; Barack Obama, president i SHBA-ve; Abdullah bin Abdul Azis al Saud, mbreti i Arabisë Saudite; Vladimir Putin, kryeministër i Rusisë; Papa Benedikti i XVI-të; Angela Merkel, kancelarja e Gjermanisë; David Camerun, kryeministër i Britanisë; Ben Bernanke, kreu i Rezervave në SHBA; Sonia Gandi, kryetare e Kongresit Kombëtar të Indisë dhe Bill Gates, bashkëdrejtues i Fondacionit Bill & Melinda Gates.