Kuvendi i shtatë zgjedhor i Lidhjes Demokratike të Kosovës ka nisur punimet të dielën, ku 355 delegatë do të vendosin për zgjedhjen e strukturave udhëheqëse, kryetarit dhe këshillit të përgjithshëm të partisë. Kuvendi është hapur me intonimin e himnit sht

Prishtinë, 7 nëntor – Gani Geci, ish-kryetar i Komisionit parlamentar për inteligjencë dhe siguri, ka kërkuar sërish që SHIK-u t’ia dorëzojë dosjet Agjencisë Kosovare të Inteligjencës, shkruan sot gazeta Koha Ditore. Geci i cili ka theksuar se nuk do t’ia mbajë anën asnjërës palë, në një prononcim për gazetën ka kërkuar nga SHIK-u që dosjet që ka të mos i shfrytëzojë kundër individëve apo për interesa të individëve.
“Edhe më herët si kryetar i komisionit kam kërkuar që puna që ka bërë SHIK-u të raportojnë, faktikisht të dimë kujt i kanë raportuar, kush i ka financuar. Unë kam kërkuar që dosjet t’ia dorëzojnë AKI-së dhe atëherë AKI-ja do të kishte më lehtë të punonte. Agjencitë shtetërore duhet të merren me punë shtetërore dhe jo individuale”, ka thënë ai.