AAK e gatshme për koalicion paszgjedhor me LDK-në

Nënkryetari i AAK-së, Ardian Gjini

Ardian Gjini, nënkryetar i AAK-së, ka thënë se AAK është e gatshme të lidhë koalicion paszgjedhor me LDK-në.
Ai tha se fillimisht AAK është e bindur në fitoren e vet në këto zgjedhje, por në rast tjetër është e gatshme të bashkëpunojë më LDK-në, siç edhe e ka bërë më herët.

Gjini po ashtu ka thënë se AAK është në negociata me parti e lista tjera për një koalicion parazgjedhor, duke përmendur në këtë rast Listën “LDK-Ibrahim Rugova”.

Ai tha se partia e vetme me të cilën AAK nuk do të bëj koalicion kurrë është Partia Demokratike e Kosovës.

Këto komente Gjini i bëri gjatë një konference për shtyp ku u prezantua anëtari më i ri i kësaj partie, Naim Rrustemi.

Rrustemi tha se serioziteti që AAK ka dëshmuar gjatë kësaj në kohë në opozitë ka qenë arsye pse ai ka vendosur t’i bashkohet kësaj partie politike.

Më tutje, Rrustemi tha se AAK është vend i cili krijon mundësi njerëzve që punojnë, andaj e cilësoi kalimin e tij si mundësi edhe më të madhe për të shfaqë kapacitetet e tij intelektuale.