LDD e gatshme për koalicion me LDK-në

Lidhja Demokratike e Dardanisë (LDD) ka përshëndetur zgjedhjen Isa Mustafës, kryetar të Lidhjes Demokratike të Kosovës (LDK). Kjo parti gjithashtu bënë të ditur se është e gatshme të bëjë koalicion me LDK-në.
Nënkryetari i saj, Naser Rugova, tha se LDD-ja e vlerëson lart thirrjen kryetarit të ri të LDK-së Isa Mustafa dhe pret që zoti Mustafa, për çështjen e bashkimit të bisedojë me kreun e Lidhjes Demokratike të Dardanisë, Nexhat Dacin, njofton Radiotelevizioni i Kosovës.

Rugova tha se kjo parti është plotësisht e gatshme që të bëjë koalicion me LDK-në nëse për këtë shpreh vullnetin Mustafa.