Milan fiton derbin e qytetit

Milano, 14 nëntor – Në stadiumin Giuseppe Meaza sapo përfundoi ndeshja derbi e javës e kampionatit italian në futboll, ndërmjet dy rivalëve më të mëdhenj të këtij qyteti dhe tërë Italisë, mes Interit dhe Milanos, që përfundoi me rezultat 0:1.

Golin e vetëm për Milanin e shënoi ish lojtari i Barcelones, Zllatan Ibrahimoviq, i cili para se të kthehej në Itali të luajë për Milanin, ka luajtur në Inter. Ibrahimoviq shënoi nga penalltia që në minutën 5 të ndeshjes.

Megjithë dy kartonë të verdhë dhe përjashtimin e Abates së Milanit në minutën 60, Interi nuk ia doli as me një lojtar më shumë në fushë të barazojë. Me këtë fitore Milan ruajti kreun e klasifikimit.