Dell kërkon një proces zgjedhor demokratik

Ambasadori amerikan në Kosovë, Cristopher Dell, ka kërkuar një proces zgjedhor demokratik dhe të pastër, ku do të reflektojë vullneti i qytetarëve. Ai ka thënë se zgjedhjet e 12 dhjetorit janë një test i rëndësishëm demokratik për Kosovën, qytetarët e saj dhe politikanët.
Komentet e ambasadorit Dell erdhën pas nënshkrimit të kodit të mirësjelljes, për zgjedhjet e jashtëzakonshme të dhjetorit ndërmjet partive politike, raporton KTV.

Kodi i mirësjelljes parasheh nga të gjitha partitë t’i përmbahen rregullave demokratike dhe të respektojnë ligjet, parasheh fushatë me një fjalor korrekt dhe të përmbajtur. Në nënshkrimin kodit të udhëhequr nga presidentit në detyrë, kanë marr pjesë edhe trupi diplomatik i akredituar në Kosovë.