E shet banesën për ta financuar partinë

Lideri i Lëvizjes “Vetëvendosje”, Albin Kurti, ka shitur banesën personale për ta financuar subjektin e tij politik për t’u përgatitur për zgjedhjet e pritshme të 12 dhjetorit.
“Lideri i Lëvizjes Vetëvendosje po sakrifikon shumë për partinë e tij. Atë që ai ka bërë së fundi për parti, nuk mbahet mend të ketë ndodhur tek partitë tjera, asnjëherë”, njofton Klan Kosova.

Kurti e ka shitur për 70 mijë euro banesën e tij në lagjen Dardania në Prishtinë, ndërsa me këto para do të ndihmojë lëvizjen e tij, ka konfirmuar zyrtari për financa në “Vetvendosje”, Hysen Durmishi.

Kurti tash e tutje do të kthehet te prindërit për të banuar. Mjete financiare personale për ta ndihmuar Lëvizjen “Vetëvendosje”, mësohet se ka dhënë edhe anëtari i ri i kësaj lëvizjeje dhe pretendent i saj për deputet, biznesmeni shqiptaro-amerikan, Florin Krasniqi