Qeveria ngushëllon familjet e viktimave nga vërshimet

Kryeministri i Republikës së Kosovës, Hashim Thaçi ka marrë të mërkurën vendim që të ndajë nga 5 mijë euro për familjet e fëmijëve që humbën jetën në vërshimet e fundit, që ndodhën në rajonin e Dukagjinit.
Në njoftimin e Kryeministrisë thuhet se me këtë rast, Thaçi në emër të Qeverisë së Republikës së Kosovës, iu shpreh ngushëllimet më të sinqerta familjes të vogëlushit 8 vjeçar Arbias Krasniqi dhe familjes së vogëlushit 7 vjeçar Valtrim Krasniqi, që humbën jetën tragjikisht si pasojë e vërshimeve.

Ndryshe, para disa dite lumi i fshatit Qallapek i Pejës, i cili u rrit si pasojë e vërshimeve në Dukagjin kishte rrëmbyer Arbias Krasniqi dhe Valtrim Krasniqi.