iPhone 4 i bardhë shitet në tregun e zi?

Siç e dimë të gjithë, modeli më ngjyrë të bardhë i telefonit të mençur i kompanisë Apple, iPhone 4 ende nuk është paraqitur në treg.
Mirëpo, në anën tjetër është shfaqur një shitës i cili ka shitur më shumë se 130 mijë pjesë të bardha mbështjellëse për iPhone 4, për të cilin thuhet se furnizohet nga partneri i kompanisë Apple, Foxconn.

Sipas disa burimeve, thuhet se pjesët mbështjellëse të telefonit të Apple janë origjinale.

Nëse kjo del të jetë e vërtetë, atëherë furnitori i Apple ka “nxjerr” pjesët përbërëse të këtij telefoni jashtë, ndërsa tashmë janë parë disa pamje të iPhone 4 me ngjyrë të bardhë, në tregun e zi kinez.