Maqedonia e Shqipëria kryesojnë në rajon për liritë ekonomike

Fondacioni Amerikan "Heritage" dhe Wall Street Journal, e rendit Shqipërinë në vendin e 70-të për nga liria ekonomike, disa shkallë para vendeve të rajonit, përveç Maqedonisë. Kjo e fundit renditet në vendin e 55-të në botë për nga liria ekonomike. Kosova nuk përfshihet në këtë listë.
Indeksi 2011 renditi 179 vende mbi bazën e dhjetë faktorëve. Ato përfshijnë politikën e tregtisë, peshën fiskale të qeverisë, ndërhyrjen e qeverisë në ekonomi, politikën monetare, hyrjen e kapitalit dhe investimin e huaj, bankat dhe financat, pagat dhe çmimet, të drejtat e pronës, drejtimin dhe veprimtarinë e tregut jozyrtar (apo të zi).

Çdo vendi i është dhënë një normë nga 1 në 5 për çdo masë, me 1 duke qenë më e mira. Këto rezultate pjesëtohen pastaj për të krijuar një rezultat tërësor, që përcakton një klasifikim individual të vendit në një nga katër grupet.
Sipas këtij indeksi, ndërsa Shqipëria renditet në vendin e 70-të, Serbia në 1001, Bosnja 104, Mali i Zi në vendin e 76-të e Kroacia të 82-të.
Maqedonia, e 55-ta, ka më së shumti pikë për liritë tregtare, shpenzimet shtetërore, kurse më së dobëti është ranguar për të drejtën e pronësisë dhe korrupsionin në vend.

Si në të gjithë botimet e mëparshme vjetore të Indeksit, Hong Kongu dhe Singapori përfunduan në vendin e parë e të dytë. Ato pasohen nga Australia, Irlanda, Estonia, Luksemburgu, Islanda, Britania, Estonia etj.. Koreja e Veriut dhe Kuba janë shtetet e ranguara në fund të kësaj liste.