Maqedonia nuk frikohet nga ndarja e Kosovës!

Shkupi nuk tregon shenja frike nga propozimet për ndarje të Kosovës. Kështu duket së paku nga deklaratat e zëvendës/kryeministrit për integrime evropiane Vasko Naumovski.
Në pyetjen e gazetarëve për koment lidhur me deklaratën e analistit politik amerikan Daniel Serwer se, në rast të ndarjes së Kosovës, do të rrezikohet integriteti territorial i Maqedonisë, Naumovski tha se bëhet fjalë për mendim personal të Serwerit.

“Ky është vlerësimi i tij personal. Integritetin territorial të Republikës së Maqedonisë e garantojnë ARM-ja dhe të gjitha institucionet e tjera në pajtim me rendin tonë kushtetues. Në këtë moment as që është i rrezikuar, as ka paralajmërime se do të rrezikohet në të ardhmen”, transmeton portali Zhurnal deklaratën e Naumovskit. /Telegrafi/