Çelësi i rritjes së premtuar të rrogave varet në veri

Veriu i Kosovës ka mbetur i vetmi vend nga ku Qeveria e Kosovës synon të mbushë buxhetin për t’u qëndruar besnikë vendimeve të marra për rritje të pagave. Ata që do të kenë punë për të përmbushur këtë urdhër janë Doganat dhe Administrata Tatimore me mbështetje të Policisë së Kosovës. Por kjo nuk duket lehtë e realizueshme.
Premtimet e zgjedhjeve për rritjen e pagave për shumë sektorë dhe shndërrimi i tyre në vendim qeveritar u ka nxjerrë punë Doganave dhe Administratës Tatimore. Dy këto organizata që me vite të tëra janë kontribuuesit kryesor të mbushjes së buxhetit do ta kenë për detyrë të mbushin buxhetin edhe më shumë si pasojë e këtij vendimi, raporton KTV-ja. Dhe, e vetmja pjesë nga ku do të mund të realizohet ky urdhër i dhënë nga qeveria mbetet pa dyshim veriu. Dy këto organizata me mbështetje të Policisë së Kosovës, por edhe asaj të EULEX-it, po planifikojnë të nisin aksione të shumta me qëllim të minimizimit të ekonomisë informale, e cila brenda një jave kalon 1 milion euro të dëmeve që i shkakton buxhetit të vendit. Drejtori i Doganave të Kosovës, Naim Huruglica, thotë se kjo pjesë e vendit që është ende jashtë kontrollit po synohet që të ketë një Ndërkohë, drejtuesit e Administratës Tatimore nuk kanë qenë të gatshëm të flasin rreth hapave që do t’i ndërmarrin. Kurse ata të Policisë së Kosovës në Mitrovicë thonë se që nga formimi i Task Forcës janë marrë një varg aksionesh, nga të cilat janë dërguar në gjykatë 200 raste për hetim të mëtutjeshëm. Megjithatë, problem i madh për instancat e vendit është mosbashkëpunimi i policëve serbë të Kosovës, të cilët deri tani nuk kanë dhënë asnjë informatë për ndonjë të dyshimtë që merret me kontrabandë. Djegia e dy pikave kufitare në veri të Kosovës, pamundësia e kthimit të doganierëve vendës atje, mos kontrollimi si duhet nga doganierët e EULEX-it janë disa nga faktorët që kanë ndikuar që me vite të tëra buxheti i Kosovës të humbë miliona euro nga kjo dukuri negative.