Serbia emëron kryesuesin e ekipit për bisedime me Kosovën

Zëvendësministri i Jashtëm i Serbisë, Borko Stefanovic, do të kryesojë ekipin e Beogradit në bisedimet e ardhshme me Kosovën, raporton AFP.

Ministri serb për Diasporën, Srdjan Sreckovic, është cituar të ketë thënë se Stevanovic do të jetë në krye të ekipit në dialogun e ndërmjetësuar nga Bashkimi Evropian.

Bisedimet mes Prishtinës dhe Beogradit për siç thuhet çështje teknike pritet të fillojnë pas themelimit të institucioneve të Republikës së Kosovës, të dala nga zgjedhjet parlamentare të 12 dhjetorit.