Strukturat paralele të Serbisë kërkojnë lëshimin e targave të reja serbe

Mitrovicë, 23 janar - Të ashtuquajturit këshilltarët e Kuvendit Komunal paralel serb në veri të Mitrovicës kanë kërkuar nga Qeveria e Serbisë që të gjitha dokumentet për qytetarët serbë të lëshohen në Kosovë. Këshilltarët serbë kanë vlerësuar se lëshimi i targave të makinave për serbët të cilët jetojnë në Kosovë dhe të atyre në jug të Serbisë është edhe një nga funksionet shtetërore nga të cilat Beogradi vullnetarisht ka hequr dorë, pas lejeve të njoftimit, pasaportave dhe lejeve të drejtimit të automjeteve, kanë njoftuar mediat serbe në veri të Mitrovicës.
Sipas tyre, “për fat të keq, nën presion të BE-së, Serbia më vetëdije ka hequr dorë nga ingerencat e veta, që është e papranueshme”.
”Kërkojmë nga Qeveria e Republikës së Serbisë që lëshimi i të gjitha dokumenteve të bëhet në Kosovë“, thuhet në konkluzionet nga seanca e parë e jashtëzakonshme, e mbajtur në Mitrovicë.
Kuvendi paralel Komunal i Mitrovicës u ka dërguar kërkesë komunave të tjera të veriut të Kosovës, që të mbajnë takim të përbashkët, në të cilin qartë dhe konkretisht do të definohej kufiri i lëshimeve serbe.