Fuele: Tani me rëndësi të nisë dialogu Serbi Kosovë

Beograd, 2 shkurt - Komisioneri i Bashkimit Evropian për Zgjerim, Stefan Fuele, ka deklaruar se aktualisht nuk sheh lidhje të qartë në dy procese - në integrimin e Serbisë në BE dhe bisedimet me Kosovën. Por, ka shtuar ai, kjo nuk do të thotë se kjo s'do të ndodhë më vonë.
"Me të vërtetë në këtë moment nuk shoh kurrfarë lidhje të qartë. Natyrisht në pjesët e mëvonshme të këtij procesi çdo gjë është e ndërlidhur. Mendoj se për momentin është me rëndësi që të fillojë dialogu mes Beogradit dhe Prishtinës, shpresojmë për çështjet të cilat mund t'u sjellin dobi konkrete njerëzve që jetojnë në Kosovë e sidomos në veri të Kosovës", citon QIK-u deklaratën e Fueles për mediat e Beogradit.