Kërkesat bizare të pasagjerëve

Washington, 2 shkurt - Stjuardesat e kompanisë ajrore “Virgin Atlantica” kanë marrë pjesë në një studim për kërkesat e pazakonta të pasagjerëve. Ato kanë zbuluar të gjithë këto kërkesa me të cilat ballafaqohen në punë.
Lartë në listën e kërkesave bizare janë: “A mundeni, ju lutem, të hapni dritare”, “Luteni pilotin të ndalojë turbulencën” dhe “A mund të heshtni pak motorët, nuk mundem të flej”.
Një stjuardesë mbeti e habitur kur një pasagjere i kërkoi një filxhan çaj dhe t’i bëjë masazh kukullës së saj Barbie, njoftojnë mediet amerikane.
Se disa pasagjerë janë plotësisht të padurueshëm, tregojnë edhe kërkesat e tyre siç janë: “Më dërgoni fëmijët në shesh lodrash”, apo “Më tregoni ku është vendi për tush”. Një pasagjer kërkoi ushqim të shpejtë kalorik, dhe i interesonte se ku është McDonald`s në aeroplan.