MSH mbështet kërkesat e punonjësve shëndetësorë

Ministria e Shëndetësisë (MSH) e Republikës së Kosovës u ka dalë
në mbështetje punëtorëve shëndetësorë dhe i ka konsideruar të arsyeshme
kërkesat e tyre përkitazi me kompensimin adekuat të punës jashtë orarit
dhe punës gjatë ndërrimit të natës, të cilat u paraqitën pas zbatimit
të dispozitave të Ligjit të Punës lidhur më këtë çështje.“Ministria
e Shëndetësisë është e përkushtuar që punëtorët shëndetësorë të
kompensohen në mënyrë adekuate për punën e tyre dhe në këtë drejtim
nëpërmjet arritjes së Marrëveshjes Kolektive me Federatën e Sindikatave
të Shëndetësisë së Kosovës, do të sigurojë ngritjen e këtij kompensimi
në vlerat nga periudha paraprake”, ka deklaruar Faik Hoti, zëdhënës i
MSH-së.
Duke përpiluar aktin nënligjor që rregullon kompensimin për
rrezikshmërinë e shtuar në punë, Hoti ka thënë se Ministria e
Shëndetësisë synon që të rris këtë kompensim për kategori të caktuara të
punëtorëve shëndetësor. /Telegrafi/