Britania e Madhe përkrah ambiciet e Kosovës

Gjatë muajve të ardhshëm do të shohim mundësi të mëdha për të konsoliduar më tej pozitën e Kosovës në skenën ndërkombëtare, ndërsa Britania e Madhe mbetet përkrahëse e përkushtuar e ambicieve të Kosovës për anëtarësim në BE dhe NATO- thuhet në letrën e dërguar nga Sekretari i Jashtëm britanik, William Hague, në drejtim të ministrit të Jashtëm të Kosovës, Skender Hyseni.
“Argumentet më të fuqishme për këtë vijnë nga dëshmimi i Kosovës në zbatimin e masave që ju sjellin më afër standardeve të BE-së. Ju inkurajoj që të mbani përqendrimin tuaj në sigurimin e vlerësimit pozitiv në raportin e progresit të Komisionit Evropian, i cili do të vijë në vjeshtë”, thuhet në letrën e Hague.

Më tej, ai ka siguruar ministrin Hysen se Mbretëria e Bashkuar do të vazhdojë të punojë për shtimin e njohjes ndërkombëtare të Kosovës dhe për të përkrahur anëtarësimin në organizatat ndërkombëtare siç është BERZH-i. Ndërkohë ka shprehur kënaqësinë për t’u takuar sërish me ministrin Hyseni “në takimin BE- Ballkani Perëndimor në Sarajevë me 2 qershor