Britania përkrah integritetin territorial të Kosovës

Zëvendëskryeministri, njëherësh ministër i Drejtësisë, Hajredin Kuçi është takuar me ambasadorin e Mbretërisë së Bashkuar në Kosovë, Ian Cameron Cliff, ndërkaq u konfirmua përkrahja e Mbretërisë së Bashkuar për pavarësinë e Kosovës dhe integritetin territorial të saj.

Në këtë takim është biseduar për zhvillimet politikë në Kosovë, ndërsa zëvendëskryeministri Kuçi falënderoi ambasadorin Cliff dhe Qeverinë e Mbretërisë së Bashkuar për ndihmën e vazhdueshme që janë duke e dhënë për Kosovën dhe e vlerësoi si të rëndësishme që të ketë përkrahje nga Mbretëria e Bashkuar për liberalizimin e vizave dhe për arritjen e marrëveshjeve kontraktuale me BE-në.

Ndërkaq, Cliff thuhet se u interesua edhe për gjendjen e sistemit të drejtësisë në Kosovë. /Telegrafi/