Edhe katër mijë serbë punësohen në administratë

Sipas të dhënave zyrtare, aktualisht në Kosovë janë të punësuar mbi 4.500 serbë, ndërsa ky numër pritet të shtohet gjatë viteve të ardhshëm.

Këto të dhëna janë bërë publike nga ministri në largim i Ministrisë Punës dhe Mirëqenies Sociale, Nenad Rasic, që vjen nga Partia e Pavarur Liberale (SLS), parti që ka siguruar tetë deputetë në zgjedhjet e jashtëzakonshme parlamentare të 12 dhjetorit. Sipas tij, me hyrjen e SLS-në qeverinë e re, serbëve të Kosovës do t’u sigurohen më shumë se katër mijë vende të reja të punës në administratë.

Ky zyrtar u i lartë i SLS-së, ka thënë për agjencinë Tanjug se prej 12,5 për qind të vendeve në administratën e Kosovës të parapara për bashkësitë joshqiptare, 8.5 për qind i takon bashkësisë serbe.

“Aktualisht kemi më shumë se 4.500 serbë të punësuar në administratë, ndërsa na takojnë edhe katër mijë vende “, ka thënë Rasic.

Ai ka thënë se SLS-ja do të jetë më shumë e përfaqësuar në qeverinë e ardhshme sesa deri më tani. Sipas Rasicit, kësaj parti do t’i takojnë më shumë se dy ministri, sa kanë pasur në përbërjen e fundit qeverisëse.