Ivanoviq: Me ndarjen e Kosovës do të shpërnguleshin 70 mijë serbë

Si duket idenë e ndarjes së Kosovës nuk e përkrahin serbët e Kosovës. Sekretari i shtetit në Ministrinë për Kosovën në qeverinë serbe Oliver Ivanoviq ka deklaruar sot se ndarja e Kosovës nuk është qëndrim shtetëror, duke vlerësuar se ky veprim do të rezultonte me shpërnguljen e serbëve që jetojnë në jug të Ibrit. Ivanoviq thotë se “bëhet fjalë për njerëz të gjallë”, rreth 70 mijë, të cilët në këtë rast me siguri do të shpërguleshin në Serbi. Ivanoviq paralajmëron se shqiptarët në rast të ndarjes së Kosovës, nuk do të kishin më asnjë arsye që të “zbatojnë edhe atë që ne e kemi hedhur poshtë, por sidoqoftë nuk është aq keq – planin e Ahtisarit, të paktën në pjesën e tij teknike”.