Autori i vrasjes në Çair, arrestohet në Kosovë

Policia e Kosovës ka arrestuar të dyshuarin dhe të akuzuarin për vrasjen e kryer muajin e kaluar në lagjen Çair të Shkupit, Muhamed Isa (22 vjeç), emri i të cilit qëndron në listën e kriminelëve të Maqedonisë të cilët fshihen në Kosovë, të cilën MPB-ja maqedonase ia kumtoi ministrit kosovar të Punëve të Brendshme, Bajram Rexhepi.
Zëdhënësi i policisë së Kosovës, Arben Beka ka konfirmuar për Makfaks se Isa është arrestuar për shkak të kalimit ilegal të kufirit, por detaje paralajmëroi për më vonë.

Para rreth një muaji, Muhamed Isa vrau Ramadan Ramadanin, i punësuar në EVN, për shkak të asaj se i shkyçi rrymën në çajtoren e tij.

Pas vrasjes, Isa u arratis, ndërsa policia e arrestoi babanë e tij Ekrem Isa dhe ngriti kallëzim penal kundër për posedim të palejuar të armës.

Isa deri tani nuk ka pasur dosje policore, por babai i tij është akuzuar dhe dënuar me dënime me burg