Karton i kuq për sulmin ndaj ekzibicionistit (video)

Londër, 9 mars - Ashley Vickers (38) mori karton të kuq, pasi ndaloi ekzibicionistin Alan Young. Personi nudo i iku rojeve dhe filloi të vrapojë në terren me një parukë mbi kokë dhe me kostumin, që në filmin Borat e kishte veshur aktori e komiku britanik, Sacha Baron Cohen.
Vickers, që është lojtar dhe menaxher i ekipit Donchester Town, humbi plotësisht durimin, duke e goditur dhunshëm Youngin, transmeton “Mirror”.
Referi David Spain e interpretoi këtë si sjellje të dhunshme në terren, dhe ia dha Vickersit kartonin e kuq. Pas kësaj, ekipi i tij humbi nga ekipi kundërshtar me rezultat 3-1.
“Nuk e kam të qartë pse u përjashtova nga loja. Rojet nuk mundën ta kapnin. Unë vetëm iu ndihmova”, tha Vickers.