Shteti me 62 mijë banorë po zhduket

[img][/img]

Ishujt Marshall, një prej perlave të vërteta të natyrës, që ndodhen në Oqeanin Paqësor, mund të zhduken nga faqja e dheut. Alarmi është aq i madh, sa që ka detyruar të interesohet dhe Asamblenë e Përgjithshme të Kombeve të Bashkuara.
Lajmi shqetësues u dha për herë të parë nga Kaminaga Kaminagam, koordinator i studimeve për ndryshimet klimaterike në këta ishuj.
Niveli i ujërave në Oqeanin Paqësor është në rritje të vazhdueshme dhe kjo mund të bëjë që shumë shpejt ishujt që ndodhen vetëm pak metra mbi nivelin e detit, ta shohin veten të fundosur.
Ngritja e problemit hapi edhe një debat brenda vetë OKB-së. Në fakt, në statut parashikohen veprimet që merren ndaj pushtimeve apo aneksimeve të shteteve, por jo edhe ndaj zhdukjeve të shteteve.
Ishujt Marshall janë të pavarur që prej vitit 1986 dhe kanë një popullsi prej 62 mijë banorësh, të cilët jetojnë kryesisht nga peshkimi dhe turzimi.