Uruguai e njohu Palestinën

Montevideo, 16 mars – Uruguai ka njoftuar mbrëmë se e ka njohur shtetin e pavarur palestinez, duke iu bashkuar kështu një varg shtetesh të Amerikës jugore, të cilat kanë ndërmarrë këtë hap gjatë disa muajve të fundit.
Në komunikatën e Ministrisë së Jashtme të Uruguait nuk thuhet drejtpërdrejt se ky vend e njeh Palestinën në kufijtë e saj para luftës së vitit 1967, transmetuan mediet izraelite.
Mediet izraelite në ndërkohë kanë transmetuar deklaratën e shefit të diplomacisë franceze Alain Juppé, i cili ka thënë se njohja e shtetit palestinez nga ana e Unionit Evropian “është një që do të duhej të kihet parasysh”. “Nuk ka kuptim që të vetëm ta njohim shtetin palestinez, këtë duhet ta bëjmë bashkërisht”, ka thënë Juppé, transmeton agjencia AFP.