Kina do të tejkalojë SHBA-në në kërkimet shkencore

Londër, 29 mars – Kina ka marrë vendin e dytë për nga numri i artikujve të publikuar në revistat shkencore ndërkombëtare dhe për disa vjet, do ta marrë kryesimin nga SHBA.
“Kina tashmë ka tejkaluar Britaninë e Madhe për nga publikimet shkencore, por para vitit 2020 pritet të tejkalojë edhe SHBA-në”, thuhet në një studim të bërë nga Royal Society në Londër.
Edhe pse në 10-ën e parë dominojnë fuqitë kryesore perëndimore, përqindja e studimeve shkencore po bie, thuhet në raport.
Si Kina, Brazili dhe India po përparojnë shpejtë, transmetojnë agjencitë.
SHBA vazhdon të jetë e para në botë për studime shkencore me 20 % dhe investon rreth 400 miliardë dollarë në vit për hulumtimet publike dhe private.
Kina kaloi nga vendi i gjashtë sa ishte në periudhën 1999-2003 (4.4 % të përqindjes totale) në vendin e dytë pas SHBA-së me 10.2 % gjatë viteve 2004-2008, duke tejkaluar Japoninë.