Cana, tifozëve: Nuk ndërrohet kombësia

Mesfushori shqiptar, Lorik Cana, i shquar për dashurinë e tij ndaj kombit shqiptar, nuk ka nguruar ta shprehë përsëri atë pas ndeshjes ndaj Bjellorusisë të zhvilluar në stadiumin kombëtar Qemal Stafa.
Pas fitores historike me rezultat minimal 1-0 ndaj Shqipërisë, Lorik Cana si luan i vërtetë që është, vrapoi me mikrofon në dorë dhe me tatuazhin e shqiponjës të zbuluar në krah drejt tribunës qëndrore të tifozëve në stadiumin Qemal Stafa, duke u thënë atyre: “Hej, u thoni të gjithëve se nuk ndërrohet kombësia”.

Për më shumë do t’iu lëmë ta shikoni videon 58 sekondëshe të shkëputur nga televizioni francez TF1, por duhet të përmendet patjetër se mesazhi i Canës u drejtohet drejtuesve të futbollit kosovar se ai ashtu si futbollistët tjerë shqiptarë nuk do të luajnë për përfaqësuesen e Kosovës, pasi ashtu si për Shqipërinë, edhe për Kosovën ekziston vetëm një reprezentacion, ai kuq e zi.

Pak para fillimit të ndeshjes në fjalë, Lorik Cana nënshkroi peticionin kundër regjistrimit të popullsisë pas kërkesës së vorio-epirotëve në Shqipërinë e Jugut.

/Telegrafi/