Cana një hap më afër Lazios

Mesfushori Lorik Cana, gjatë këtij muaji pritet të zyrtarizojë kalimin e tij nga Galatasaray në Serie A te skuadra e Lazios, shkruajnë mediumet turke të hënën. Krerët e Lazios insistojnë në transferimin e Canës 27-vjeçar gjatë kësaj vere dhe kanë ngritur ofertën e tyre në gjashtë milionë euro dëmshpërblim për ekipin turk. "Jemi në negociata intensive me Lazion, por ende nuk ka asgjë konkrete. Gjatë këtyre ditëve do të bisedojmë edhe me Galatasarayn, që do t’i shqyrtojë ofertat", ka thënë agjenti i lojtarit, Pierre Frelot. Cana ka kontratë me Galatasarayn deri në vitin 2014, kurse në radhët e tyre u transferua para fillimit të edicionit që sapo përfundoi për 4.5 milionë euro nga Sunderlandi. Ai ka shënuar një gol në 31 ndeshje të luajtura.