Shi radioaktiv në verilindje të SHBA-së

Washington, 29 mars – Gjurmë të elementeve radioaktive nga centrali bërthamor japonez “Fukushima” janë zbuluar në shiun e rënë në verilindje të Shteteve të Bashkuara të Amerikës, ka njoftuar të martën Agjencia amerikane për mbrojtjen e mjedisit jetësor (EPA). Gjurmët janë gjetur në pikat e shiut në shtetet Pennsylvania dhe Massachussetts.
Agjencia ka bërë të ditur se pas zbulimit në të gjithë SHBA-në janë shtuar kontrollet mbi shiun dhe ujin e pijshëm. “Niveli i evidencuar është larg nga ai që paraqet rrezik për shëndetin e njerëzve”, ka bërë të ditur EPA-ja.