Nivele të larta të jodit radioaktiv afër Fukushimas

Në det shumë afër centralit të dëmtuar bërthamor Fukushima është matur niveli shumë i lartë i jodit radioaktiv, raportojnë agjencitë e lajmeve. Sipas agjencisë japoneze për Siguri Bërthamore, në ujin e detit që gjendet afër reaktorit 1 është matur niveli 3 mijë herë më i lartë se sa lejohet.
Megjithatë, pasi periudha e zbërthimit të jodit radioaktiv është 7-8 ditë, thuhet se ai mund të zbërthehet para se të arrijë te njerëzit.
Ndërkohë, mësohet se shefi i kompanisë TEPCO, e cila administron centralin bërthamor, përfundoi në spital shkaku i tensionit të lartë të gjakut dhe marramendjeve. Sipas medieve, ai së fundi s’është paraqitur fare në publik. Kryeministri japonez, Naoto Kan bisedoi edhe me presidentin amerikan, Barack Obama, për krizën në central. Obama me këtë rast premtoi ndihmë për viktimat e katastrofës, ndërsa punëtorët në Fukushima ende përpiqen të ndalojnë rrjedhjen e radioaktivitetit në det.