Luftime në Bregun e Fildishtë, avancojnë forcat e Ouattaras

Abixhan, 30 mars – Një ofensivë e forcave lojale të pretenduesit për president të Bregut të Fildishtë, Alassane Ouattara, ka arritur në dy qytete afër kryeqytetit zyrtar të vendit, kanë thënë sot dëshmitarët.
Forcat besnike të Ouattaras kanë nisur ofensivat nga lindja, perëndimi dhe qendra ditëve të fundit, dhe tani kontrollojnë zonat kryesore të prodhimit të kakaos, dhe synojnë heqjen nga pushteti të Laurent Gbagbos, i cili ka refuzuar dorëheqjen pas zgjedhjeve të diskutueshme presidenciale, transmeton Reuters.
Dje, forcat e Ouattaras kanë avancuar 200 km drejt dy qyteteve kryesore, duke hasur në rezistencë të vogël nga forcat e Gbagbos.