PDK lë në lloç Pacollin

Rizgjedhja e Behgjet Pacollit në krye të shtetit duket se do të jetë vështirë sesa më 22 shkurt. Sikur edhe opozita të merrte pjesë në seancën parlamentare të zgjedhjes së presidentit, Pacolli nuk do të mund të zgjidhej, sepse tani Thaçi nuk i ka numrat e mjaftueshëm brenda partisë së tij, PDK.
Sipas burimeve të gazetës Zëri brenda PDK-së, Thaçi nuk po arrin që t’i bind të gjithë deputetët nga radhët e partisë së tij për ta votuar kreun e AKR-së, sidomos tani kur shumë deputetë i kanë zëvendësuar ministrat aktualë, të cilët mësohet se janë shprehur haptas kundër Pacollit për president.

Megjithatë, vetë Behgjet Pacolli i ka deklaruar gazetës Zëri përmes telefonit se gjithçka do të definohet ditën e martë, ndonëse mohon të jetë kërcënuar nga Thaçi që të tërhiqet nga gara për president.

“Unë nuk jam më pjesë e AKR-së dhe nuk më takon që t’i komentoj qëndrimet e këtij subjekti politik, pasi që kamë dhënë dorëheqje me të marrë detyrën e presidentit”, ka thënë Pacolli. /Telegrafi/