Priten ndryshime në kabinetin qeveritar

Kabineti i Qeverisë Thaçi ka mbajtur mbledhjen e radhës, por pa prezencën e ministrave që vijnë nga radhët e Koalicionit për Kosovës të Re. Mospjesëmarrjen në mbledhjen e ekzekutivit e kanë arsyetuar me angazhimet e shumta ditore.
Ndërkaq, në këtë mbledhje, kryeministri Hashim Thaçi, ka deklaruar se konsensusi politik i arritur në Kosovë për zgjedhjen e presidentit dhe për daljen nga kriza politike, duhet të merret shembull nga vendet e rajonit.

Zgjedhjen e presidentit, kreu i qeverisë e ka quajtur si një lajm të mirë në historinë e re të Kosovës, raportojnë mediat.

Ndërkohë, pas mbledhjes së qeverisë, zëvendëskryeministri Hajredin Kuçi, ka thënë se janë duke biseduar me partnerin e koalicionit për ndryshimet që pritet të ndodhin brenda kabinetit qeveritar, ku sipas Kuçit, do të ketë një balancë të të dyja palëve. /Telegrafi/