Italia synon përfundimin e misionit në Kosovë

Italia dëshiron ta reduktojë praninë e saj ushtarake në Afganistan dhe Liban dhe ta mbyllë praninë e saj në Kosovë, për shkak të shkurtimeve kryesore buxhetore.
Ministri i Mbrojtjes së Italisë, Ignazio La Russa citohet të ketë thënë ““Ka disa kërkesa buxhetore, që na shtyjnë të reduktojmë praninë tonë në misionet ushtarake ndërkombëtare”, duke shtuar se Italia do të veproj në harmoni me partnerët e jashtëm.

“Në Kosovë i kemi 600 njerëz, por ne po synojmë reduktim në zero”, ka thënë La Russa dhe shtoi se “ne duhet ta përshpejtojmë përfundimin e këtij misioni”.

Sipas Ministrisë së Mbrojtjes, në misionet e jashtme Italia i ka 7300 ushtarë. /Telegrafi/