Kryeministri Thaçi uron besimtarët katolik

Kryeministri i Kosovës, Hashim Thaçi përgëzoi Ipeshkvin e Ipeshkvisë së Kosovës, Imzot Dodë Gjergji dhe të gjithë besimtarët e krishterë të Kosovës, me rastin e Festës e Pashkëve.
“Festa e Pashkëve e gjen Republikën e Kosovës, në vitin e tretë të shtetësisë së saj, duke vazhduar përkushtimet dhe vizionin tonë të përbashkët për implementimin e të gjitha kritereve dhe standardeve demokratike për integrim në Bashkimin Evropian dhe në NATO dhe përmirësimin substancial të mirëqenies së qytetarëve tanë”, thuhet në telegramin e kryeministrit Thaçi dërguar Ipeshkvit të Ipeshkvisë së Kosovës, Imzot Dodë Gjergji dhe të gjithë besimtarëve të krishterë të Kosovës, me rastin e Festës e Pashkëve

Kam nderin dhe kënaqësinë që në emër të Qeverisë së Republikës së Kosovës dhe në emrin tim t’u përgëzoj për Festën e Pashkëve. Festa e Pashkëve identifikon idenë e Ringalljes së vlerave shpirtërore dhe filozofike, besimin në të mirën e jetës, kulturës dhe idealeve të qytetërimit. Kjo festë e gjen Republikën e Kosovës, në vitin e tretë të shtetësisë së saj, duke vazhduar përkushtimet dhe vizionin tonë të përbashkët për implementimin e të gjitha kritereve dhe standardeve demokratike për integrim në Bashkimin Evropian dhe në NATO dhe përmirësimin substancial të mirëqenies së qytetarëve tanë”, thuhet mes tjerash në telegramin e urimit.

Edhe përfaqësues të partive politike uruan besimtarër e krishterë të Kosovës me rastin e Festës së Pashkëve. /Telegrafi/