Ukraina heq dorë nga planet për anëtarësim në NATO

Udhëheqja e re ukrainase ka lënë mënjanë planet e qeverisë paraprake për anëtarësimin e vendit në NATO.
Presidenti Viktor Yanukovich është cituar nga agjencia e lajmeve Interfaks me fjalët se "një synim i tillë politik është jorealist pasi që nuk mbështetet nga shumica e popullatës".

Ministri i Jashtëm Kostjantin Grischçenko tha se vendi i tij megjithatë dëshiron të thellojë marrëdhëniet me Aleancën ushtarake Veriatlantike.

Prej ardhjes në pushtet në shkurt kreu i vendit Yanukovich përpiqet para së gjithash për afrimin e Ukrainës me Rusinë. /DW/