Negociatat me BE-në pas marrëveshjes për Kosovën

BE-ja do t’i fillojë negociatat rreth anëtarësimit të Serbisë në atë moment kur Beogradi dhe Prishtina arrijnë marrëveshje rreth Kosovës, apo kur Brukseli të jetë i sigurt se do të arrihet marrëveshje, ka vlerësuar ish-presidenti i Qipros, Iorgos Vasiliu.
Negociatori kryesor për hyrjen e Qipros në BE është shprehur i bindur se sapo të arrihet marrëveshje e dy palëve, BE-ja ditën e ardhshme do të ketë vullnet të fillojë negociatat me Beogradin.

Në një intervistë për agjencinë Tanjug, Vasiliu ka thënë se ekziston nevoja të arrihet zgjidhje paqësore e kontestit midis Beogradit dhe Prishtinës, dhe se me këtë do të fillojnë negociatat me Serbinë për anëtarësim në BE.

Ai beson se është e mundur që negociatat e Serbisë me BE-në të fillojnë edhe më herët – nëse Evropa është e sigurt se do të ketë marrëveshje rreth Kosovës.