Kosovë- Shqipëri, lehtësohet kontrolli në kufi

Shqipëria dhe Kosova do të kryejnë procedura të përbashkëta të kontrollit të hyrje-daljeve në pikat e kalimit kufitar, sipas marrëveshjes së nënshkruar të shtunën nga ministri i Brendshëm i Shqipërisë, Bujar Nishani dhe ministri i Brendshëm i Kosovës, Bajram Rexhepi.

Në bazë të kësaj marrëveshjeje qytetarët që udhëtojnë drejt Shqipërisë dhe Kosovës do t’i nënshtrohen vetëm një kontrolli në hyrje ose dalje në të tria pikat e kalimit kufitar, Morinë, Qafë Prush dhe Qafë Morinë.

Ministrat Nishani dhe Rexhepi nënshkruan edhe protokollet përkatëse për kryerjen e veprimtarive të përbashkëta të kontrollit kufitar. /Telegrafi/