Rritet kontrolli i mallrave që hyjnë nga Kosova në Shqipëri

Për shkak të temperaturave të larta është rritur kontrolli i mallrave
ushqimore, veçanërisht të mallrave që futen në Shqipëri nga Kosova, siç
thuhet, për parandalimin e hyrjes së mallrave të skaduara në tregun
shqiptar dhe mbrojtjen e konsumatorit.
Sipas shtypit të Tirnaës,
"kontrolli veterinar, fitosanitar dhe ushqimor është i pandërprerë gjatë
24 orëve në doganën e Morinës". "Në këtë pikë doganore është
përqendruar lëvizja e mallrave për qëllime tregtie mes Shqipërisë e
Kosovës", thotë drejtori i Drejtorisë Rajonale të Autoritetit Kombëtar
të Ushqimit, Bilbil Myftari. Pavarësisht luhatjes së çmimeve edhe në
tregun kosovar, fluksi i lëvizjes së mallrave ushqimore nga njëri vend
në tjetrin në këtë periudhë ka tendencë rritjeje. Është kjo arsyeja, që
kontrolli i miellit, i lëngjëve të ndryshme që hyjnë nga Kosova, apo i
mallrave të tjera, të kryhet në vazhdimësi. "Në këtë periudhë,
kontrollohen të gjitha ngarkesat që futen në Shqipëri nga tregu kosovar,
duke bashkëpunuar edhe me biznesmenët vendas, të cilëve u bëhet e ditur
nëse malli është brenda standardeve apo jo", thotë Myftari.