Kusari Lila kërkon nga Shqipëria të evitohen problemet në qarkullimin e mallrave

Zëvendëskryeministrja dhe ministrja e Tregtisë dhe Industrisë Mimoza
Kusari Lila takoi ambasadorin e Shqipërisë në Kosovë, Islam Lauka.
Duke
iu referuar marrëdhënieve dhe bashkëpunimit të ndërsjellë në mes të dy
vendeve, Ambasadori Islam Lauka, tha se Shqipëria vazhdimisht është duke
u përpjekur që të ulë efektin e shteteve që nuk i njohin vulat e
Kosovës.
Në takim u përmendën edhe vështirësitë e kalimit të mallrave
të Kosovës për në Shqipëri. Në këtë pikë Kusari Lila, kërkoi nga
ambasadori që në të ardhmen mos të ballafaqohemi me probleme të
qarkullimit të lirë të mallrave. Në anën tjetër Lauka, sqaroi se në mes
Kosovës dhe Shqipërisë nuk ka tarifa doganore, por në Shqipëri
aplikohet çmimi i referencës në mënyrë të barabartë për të gjithë
importuesit në këtë vend.
Një tjetër çështje e rëndësisë së veçantë,
ajo e turizmit ishte ndër pikat kryesore që u shqyrtua gjatë këtij
takimi. Mundësitë e krijimit të një oferte të përbashkët turistike është
më se e nevojshme. Kusari Lila vuri theks se ngritja e bashkëpunimit
në nivel të institucioneve i ofertës turistike në mes të dy vendeve
është më se i nevojshëm dhe i dobishëm për të dy vendet.