Arrestohen gjashtë zyrtarë komunalë në Prishtinë

Gjashtë zyrtarë të Kuvendit Komunal të Prishtinës janë arrestuar të martën. Arrestimi i tyre është bërë nën dyshimin për keqpërdorime në Komunën e Prishtinës, lidhur me një tender që ka pasur të bëjë me mbulimin e lumit Prishtevka. Dëmi i veprës së dyshuar arrin në qindra mijëra euro.

Policia e Kosovës gjithashtu ka publikuar inicialet dhe moshën e gjashtë personave të arrestuar; R. Sh., i lindur në 1943; E. R., i lindur në 1960; Q. B., i lindur në 1966; R. S., i lindur në 1960; H. K., i lindur në 1965; dhe H. F., i lindur në1964.

“Hetimet janë kryer nga Drejtoria për Krime Ekonomike dhe Korrupsion, ndërsa Prokuroria ka caktuar masën e ndalimit për 48 orë për personat në fjalë”, thuhet në një njoftim të Policisë së Kosovës. /Telegrafi/