Arrestohen gjashtë policë të Njësisë speciale

Policia e Kosovës ka bërë arrestimin e gjashtë zyrtarëve të Njësisë speciale të saj. Burime
të Kosovapress-it brenda Policisë së Kosovës kanë bërë të ditur se të
mërkurën rreth mesditës janë arrestuar katër pjesëtarë të njësisë
speciale Rosu dhe tre pjesëtarë të policisë së stacionit jugu në
Mitrovicë.
Sipas këtyre burimeve, ata dyshohen për krim të organizuar dhe
veprimtari tjera kriminale. Ata janë duke u marrë në pyetje nga
Policia në Prishtinë.
Zëdhënësi rajonal i Mitrovicës, Besim Hoti, nuk ka dashur të
prononcohet lidhur me këtë çështje, duke thënë se policia e Kosovës në
Prishtinë mund të dalë me ndonjë deklaratë, ndërsa zëdhënësi i Policisë
së Kosovës, Baki Kelani, ka thënë për Kosovapress se ka zhvillime dhe se
së shpejti do të dalin me një komunikatë për media. /Telegrafi/