BE me përfaqësues të përkohshëm në Kosovë

Diplomati italian, Fernando Gentilini, do të jetë përfaqësues i
përkohshëm i Bashkimit Evropian në Kosovë, ndërkaq mandati i tij zgjat
vetëm tre muaj. Vendimi është marrë të enjten pasi shtetet anëtare të
Bashkimit Evropian janë pajtuar që diplomati italian të jetë përfaqësues
i BE-së në Kosovë. Gentilini do të vije në këtë pozitë në
vend të holandezit Pieter Feith, i cili do të vazhdojë punën në Kosovë
vetëm si Shef i Zyrës Civile Ndërkombëtare, pozitë në të cilën ka mandat
të pakufizuar.
Deri në fund të korrikut të këtij viti, në BE shpresohet se do të
ketë marrëveshje për rigrupimin e strukturave evropiane në Kosovë dhe do
të emërohet Emisari me mandat të plotë. /Telegrafi/